Resumin del Acta dela sesión estraordinaria de la Corrobra del Estremeñu celebrá la jorná del 24 eneru de 2020

Reuníus en Baajó los corrobrareñus, cona única asencia del titulal del tabureti L, enla jorná del 24 eneru, han acordau adotal las siguientis meías de autuació:

1. Proponel que ca unu de lus corrobrareñus esponga una propusta de lema pa la Corrobra. Ena próxima sesión se vutarán las propustas recebías y se elegirá la que mas votus haiga teníu.
2. Pensal en un himnu pa la Corrobra. Habemus deciíu que ena próxima sesión se parlará sobri ellu.
3. Decidil ca cuantu se va reunil la Corrobra en Prenu. Se dicidi que las sesionis ordinarias se jagan un viernis ca quinci días. La primera sesión ordinaria sedrá, pol tantu, el 31 de eneru en Baajó. 
4. Encargal al titulal del Tabureti G que prepari una normativa ortugráfica pal estremeñu y que la apresenti ena próxima sesión pa votala entre tos.
5. Encargal al titulal del Tabureti I que prepari una propusta sobri los nombris delos lugaris d'Estremaura, porqui los que tienin agora nun valin pol sel castellanus. Tié de prazu un mé a contal dende hoy pa jadel la propusta y pa que la apresenti ena Corrobra. Adespués se pubricará en Tuitil pa recabal la opinión de la genti y, ya pol úrtimu, se la encarrefilaremus al Juntaéru d'Estremaura y a los periódicus.
6. Encargal al titulal del Tabureti O que prepari unas notinas de prensa pa los medius, pa infolmal de la muestra esestencia y de los trabajus que estamus llevandu a cabu. Las notinas se escrebirán en estremeñu y en castellanu pa que no tengan poblema de entendelas los periodistas. S'acuerda que se enviarán cuando to los taburetis de la Corrobra estén ocupaus.
7. Encargal al titulal del Tabureti S que prepari unas comunicacionis, tamién en estremeñu y castellanu, pa mandáselas a organismus competentis en luengüística (sobri to al Conseju d'Uropa) y a istitucionis d'otrus idiomas que haiga en España (Riá Acaemia de la Luengua Hispañola, entri ellas). S'acuerda que se enviarán cuando to los taburetis de la Corrobra estén ocupaus.
8. Encargal al Diretol de la Corrobra que vaiga preparandu er memorandu sobri cuestionis pulíticas, uséase, to lo relacionau con la solicitú encarrefilá al Juntaeru d'Extremaúra pa que declari el estremeñu luenga oficiá en to'l territoriu, pa que pueda usalsi en la decumentación que se derigi alas istitucionis y pa que se enseñi en l'Universiá, en colegius y istitutus.
9. Encargal al titulal del Tabureti V que mus presenti pa la siguienti sesión un bocetu de lo que va a sel el Boletín dela Corrobra, la pubricació centífeca pa dal a conocel el idioma estremeñu.

Ena sesión dela Corrobra tamién se aprobó la encorporación de dos nuevus corrobrareñus: Martín Rosalea y Manué Gutierri, que serán titularis repetivamenti de los taburetis H y X. Po lo tantu, el componimientu atual de la Corrobra es esti:

TABURETI A – Franciscu Javiel Rosalea (Diretol)
TABURETI B – Peiru Rosalea (Tesoreru)
TABURETI C – Mari Nievis Antuni (Segretaria)
TABURETI D – Laureanu García (Vocal 1)
TABURETI E – Daví García
TABURETI F – [Vacanti – pendienti de asinal]
TABURETI G – Enriqui Rosalea (Respunsabri de Custionis Luenguísticas)
TABURETI H – Martín Rosalea
TABURETI I – Virgiliu Sanchi (Respunsabri de Tupunimia)
TABURETI J – Petra Alonsu (Respunsabri de Cortura y Forkrori)
TABURETI K – [Vacanti – pendienti de asinal]
TABURETI L – Rodrigu Martín
TABURETI M – Servandu Tanganu
TABURETI N – Gema Rosalea
TABURETI Ñ - Aarón Fernandi
TABURETI O – Leocadiu Mesa (Respunsabri de Avenencia con los Medius de Comunicación)
TABURETI P – Cristina Moralis (Vocal 2)
TABURETI Q – [Vacanti – pendienti de asinal]
TABURETI R – Isabé Casadu
TATURETI S – Migué Berjanu (Respunsabri de Relacionis Istitucionalis)
TABURETI T – Emiliu Álvari
TABURETI U – Daví Corté
TABURETI V – Segundu Torris (Respunsabri de Pubricacionis)
TABURETI W – [Vacanti – pendienti de asinal]
TABURETI X – Manué Gutierri
TABURETI Y – Serafín del Ríu
TABURETI Z – [Vacanti – pendienti de asinal]

Y sin na má que tratal, se aupó la sesión siendu las 19:00 horas de la jorná señalá.